Poesie
Il “Duca de la Séola” offre queste poesie a testimonianza dell’impegno assunto dal Comitato di portare avanti il ricordo della “Seolàra”, esempio di una civiltà contadina ormai passata ma pur sempre viva nel cuore di quei cittadini che hanno da sempre vissuto nel quartiere.
- EL FANTASMA DE LA SEOLARA
Alora la paréa un Castel con tanto verde en giro
e tanti orti con bèle vanése,
ancò l’è na bicoca con drento i pipistrei
dove a sconderse per zugàr ghe và tanti butèi.
Coi sò oci sensa fondo la te guarda quan te passi
el par fin che la pianza
abandonada lì visìn a la strada.
L’è la “Seolàra” de Borgo Santa Croze
Da zovena l’era bèla, ancò l’è na vecia sdentà
che te parla del so passà.
Quanti ani, quanta storia!
Generassioni cressude senza bòria.
Gh’era i orti pieni le se vendea al marcà
drento in città.
E l’Adese iè portava
fòra Verona, parché quela de la “Seolàra”
l’era la séola pù bona.
Le vecie le ‘ndava par séola nei orti.
Bone cò la polenta calda, quante ghe n’era!
Le disèva:”La séola la tira a cao,
la fa scapàr el bao, la salva el butìn,
la fa da companadego con mortadèla
e un bon bicér de vin”.
Case de siori, Ceza de Santa Croze
che sluse come drento un mar de strade,
ela l’è lì, che piena di malinconia
la canta la sò cansòn de nostalgia.
Adesso, se de note te passi l’è tuta a scuro,
parché le lampadine iè dei siori;
ela no la gà baiocchi, la se contenta
de dormìr cussì al ciaro de luna
en cerca de fortuna.
“Butèla zo!”
“No, poareta, l’era la nostra richessa”
urla un fantasma che ancor ghe vive drento.
“Lassèla in pié, par riconosensa,
memori de le seole che la na dà.
Lassèla là.”
“Tirèla su, lustrèla un poco
e vedarì fiorìr un giardin pien de butéi
che zuga e schersa e ride.
La vita l’è ancora quela,
l’è sempre bèla.”
All’ombra de la Ceza le seole le se cambia in rose
nel Borgo Santa Croze.
El fantasma della “Seolàra”
el se gà vestìo da siòr,
da ‘na grossa seola è vegnù fora un Duca
de quei veri
senza pensieri.
El monta ‘na barca con la sò Duchessa,
el gà anca lù la sò richessa.
Tanti butini drento la barca
che bala e canta con la séola in testa
e che i fa festa.
Carnevàl el tornarà tuti i ani
el Duca e la Duchessa de la séola
i restarà par sempre nel Borgo Santa Croze
creassiòn vegnua dal cor
de tuta la popolassiòn!
Dina Bonfanti
01/03/1984
- Festa de Carneval a Corte
Chi fa el cogo a la magnifica corte?
L'è Poldo, un omo alegro e forte
Un mago, n'artista tra i fornei
maneggia i mescoli come pennei.
Dai campi ariva ogni giorno le seste
coi prodoti che serve par le feste:
pomodori, fasoi e brocoleti
par imbastìr succulenti bancheti
ma de la tavola sempre la regina
l'è la seola che profuma la cusina:
a la carne la da' corpo e saor
a ogni piatto el giusto color.
Cruda o cota, intiera oppur a tochi
l'è na delissia par siori e pitochi.
Poldo conosse ricete e segreti
sa preparar i cibi più perfeti.
Davanti a 'na tavola imbandita
con le bontà che fa bela la vita
el Duca ride assieme ai sò amici
e applaude Poldo contenti e felici!
la profe de italian
(Piera Agliuzza)
- Luni 7 febrar 2005
El carneval l’è drio andar, Vardo de qua e de là,
ma drento le porte saludo a drita
gh’è un gran bacan: e anca a sanca,
coša ne tòca sentir! ma no i me caga gnanca!
Ci gh’è ‘dèsso che bate Me vien in mente
sta musica strània ‘na roba: l’ ò studià
che par la te šgnàca tanti ani fa...
nel stomego un pugno? così la faséa:
Ma varda i colori! <...messi qui nella vigna
Par che i te diga: a far da pali: ...
“ancò se fa festa; come sogliono
métete qualcosa in testa!” in faccia a generali,...> *
“Rataplan, rataplan”: Passa un minuto;
così, ’na olta, el tamburo gh’è frédo, se gela.
el ciocàva contento ‘Sa gh’èto ne l’òcio
davànti a la fila. che no ‘l vol ‘ndar via?
Tuti i coréa a védar L’è ‘na s/ciànta de sporco
el bisso che andava che m’è vegnù drento
con passo imbranà e che no ‘l vol andar via,
drio a la strada. el vento l’è stà.
Ma ancò, coša non va? Ma ‘n océto de sol
Dov’èi i butini el passa tra i teti,
che core, che šganàssa el rasa un camin
che slonga la man? el se ferma ‘n pochèto.
No’ i gh’è, i è a scòla! Un brilante l’a visto!
Ma nò, l’è finìa! Ma no, no’ te vedi:
Ma alora parchè, ‘na lagrima l’è,
parchè no’ i gh’è mia? de giasso ša l’è!
La strada l’è drita; El cor me se strenše
l’è longa, l’è scura, e un gropo me vien:
anca el sol no ‘l gh’è mia stranio lo sento
co’ sta compagnia! el me borgo foresto!
Vorìa savér parchè
nessùn el me diše:
“Dài, dàme ‘na caramèla,
tirame ‘na caramèla!”
Ermanna Breoni
2005
Note: la poesia fa riferimento al corteo carnevalesco del “luni pignatar” con partenza da Porta Vescovo, via XX settembre, Interrato Acqua Morta e arrivo a Santo Stefano.
* I versi indicati si riferiscono alla poesia “S.Ambrogio” di Giuseppe Giusti.
- Lode de la seola
La seola l’è tonda, la seola l’è bona La seola magnà co’ na çerta creansa
i le magna i pitochi e ci g’à la corona. la contenta el palato e anca la pansa.
L’è bianca, l’è giala, l’è rossa d’aspèto Sardele in saòr, bruscansi e bogoni,
però el so gusto… l’è sempre s-cèto. erbete, spinasse, nerveti e rognoni
Da crua la se magna con i fasoi, brodo de carne opur de verdura
con la salata e con i sucoi; i ciama la seola ne la cotura.
con pochi capari e ‘n poco de ton Al sugo dei gnochi e del bacalà
sens’altro se gusta qualcosa de bon. el gusto de seola ghe dà la bontà.
Le bianche seolete tegnùde in composta Ne la pastissà de caval, che l’è nata a Verona,
par stussegar l’apetito i’è fate aposta più seola gh’è e più la vien bona
e con bondola, olive e un saladin (par essar sinceri ghe vol la so dose
se comoda el stomègo un pochetin: insieme a un bon vin quando la cose).
el gusto ‘n po’ aspro che unisse i saòri Parfin su la pissa la seola la gode
conquista el palato parfin dei signòri. de essar gustà con tanto de lode.
Anca pa’ i reni, da crua la fa ben: El riso po el dise che quando l’è coto
longhe pissade fora le vien. sensa de ela el sa proprio da poco:
Gh’è solo do robe che ben non la fa: pol essarghe bisi, opur tastasal,
la pissiga ai oci e la stenega el fià ma se manca ela el gusto el va mal.
Ma quando l’è cota… la fa sempre ben: E par finir con sta filastroca
no gh’è indicassion che contro ghe vien! che ‘l saor de la seola me g’à messo in boca
Col pocio, in pignata o come contorno el pensiero va al Duca e a tuta la corte
la seola se magna a meso giorno. che… a la seola i g’à verto le porte
Invesse a la sera l’è tanto indicà verso el bel mondo del carneval,
‘na supa de seole ben informaià. alsandola al rango che proprio la val.
Roberto Pavanello
2009